घरेलु मैदानमा भारतविरुद्ध नेपालको सम्मानजनक प्रदर्शन

झण्डै १० हजार घरेलु दर्शकमाझ भारतविरुद्ध उत्रिएको नेपालले सम्मानजक प्रदर्शन गरेको छ ।  गोलरहित बराबरी खेलेपनि पहिलो लेगमा ब्यहोरेको २-० को हारका कारण विश्पकप २०१८ र एसिया कप २०१९ को प्रारम्भीक छनोट चरणबाटै बाहिरिएको छ ।
दरशथ रंगशालामा नेपालले गोल गर्ने केही राम्रो मौका पाएको थियो । तर, गोल गर्न सकेन।

भारतविरुद्ध ९० मिनेटमा दुई गोल गर्ने नेपालको लक्ष्य

काठमाडौ, चैत्र २ - नेपाली राष्ट्रिय टिमका कप्तान सागर थापाले गुवहाटीमा भारतले सोचेभन्दा राम्रो खेलेको बताएका छन् । विश्वकप २०१८/एसियन कप २०१९ को प्रारम्भिक छनोटको पहिलो खेलमा नेपाल २-० ले हारेको थियो । दोस्रो तथा निर्णायक खेल मंगलबार दशरथ रंगाशालामा हुने छ र त्यसमा नतिजा उल्ट्याउने हिसाबले खेल्ने उनले बताए ।

गुवहाटीको प्रदर्शनबारे कप्तान थापाले भने, 'हामीले जसरी सोचेका थियौं भारतले त्यो भन्दा राम्रो खेल्यो । हाम्रो प्रदर्शन पनि सोचेजस्तो राम्रो भएन ।' उनले थपे, 'गुवहाटीमा जित्न सकिएन भने पनि बराबरी गर्ने र काठमाडौंमा जित हात पार्ने योजना थियो ।'

नेपालले २-३ पास पनि दुर्लभै खेलेको थियो । त्यसमा नेपालले रक्षात्मक रणनीति लिएको उल्लेख गर्दै थापाले भने, 'अगाडि काउन्टरमा मात्र जोड दिएका थियौं ।' प्रशिक्ष्ाक ज्याक स्टेफनोस्कीले घरेलु प्रतियोगितामा राम्रो लयमा रहेका सन्तोष साहुखल र अनिल गुरुङलाई बेन्चमै राख्दै यू-१७ का विमल घर्तीमगर र भरत खवासलाई पहिलो रोजाइमा अग्रपंक्तिमा खेलाएका थिए ।

एकपक्षीय खेलको दोस्रो हाफमा सुनील क्षत्रीले दुई गोल गरेपछि भारत विश्वकप छनोटको समूह चरण नजिक पुगेको हो । पेनाल्टीमा किरण चेम्जोङले बल रोकेपछि उनी ह्याटि्रकबाट चुकेका थिए । त्यही बचाउले छनोटको नेपालको आस बाँकी राखेको हो । २-० -बराबरीपछि टाइब्रेकरमा जित्न सके) वा त्योभन्दा ठूलो अन्तरको जितले मात्र नेपाल विश्वकप छनोटको समूह चरणमा पुग्ने छ । त्यसका लागि नेपाललाई लगातार सात खेलको हार र गोलविहीन यात्रामा पनि पूर्णविराम लगाउनु अनिवार्य छ ।

'अब बराबरी मात्र सोचेर भएन,' कप्तान थापाले भने, 'नतिजा उल्ट्याउर्नैपर्ने अवस्था छ, बराबरी मात्र सोचेर भएन । गुवहाटीको नतिजा उल्ट्याउने हिसाबले मंगलबार खेल्ने छौं । यसमा विश्व्ाास पनि छ ।' किरणले गरेको पेनाल्टी बचाउले नै अझै पनि केही गर्न सकिन्छ कि भन्ने आस दिलाएको उनले बताए । उनी दुई विश्वकप छनोटमा कप्तानी गर्ने पहिलो नेपाली हुन् ।

विहीबारको खेलमा अन्त्यतिर टाउकामा बलले लाग्दा केही समस्या भएको थियो । क्षणिक रूपमा स्मरणशक्ति गुमाएका उनलाई शनिबार र आइतबार आराम दिइएको टिमका फिजियो सुरज भुसालले बताए । उनका अनुसार थापा सोमबार अभ्यासमा र्फकने छन् । वैकल्पिकमा राखिएका मिडफिल्डर शिव श्रेष्ठले पनि भद्रकालीस्थित आर्मी हेडक्वाटरमा आइतबार अभ्यास गरेका छन् ।

नेपाली कप्तान सागर थापाको ‘सर्ट टम मेमोरी लस’

काठमाडौं,फागुन २९ । नेपाली फुटवल टिमका कप्तान सागर थापा सर्टटम मेमोरी लस अर्थात ‘अल्पकालीन स्मृति गुमाउने’ समस्यामा परेका छन् ।


नेपाली फुटवल टिमका फिजियो सुरज भुसालले घटनाको पुष्टि गरेका छन् । भुसालका अनुसार हिजो बिहिबार भारत बिरुद्ध भएको खेलमा टाउकोमा चोट लाग्दा थापामा यस्तो समस्या आएको हो ।



भारतीय खेलाडीले सागर नजिकबाट बल पास भएर जाने क्रममा टोउकोमा ठक्कर दिएका थिए ।

फिजियो भुसालले छोटो समयका लागि सम्झना गुमाउने समस्या देखिएपनि तत्काल गरिएको प्रारम्भिक उपचार तथा थप उपचारबाट स्वास्थ्य सुधार भइरहेको बताएका छन् ।

गोलनेपाल अनलाईनले भुसालको भनाइ उदृत गर्दै सुरुमा नराम्ररी चिन्तित बनाएपनि अवस्था सुधार भएको र सागरले राम्रो गरिरहेको बताएका छन् ।

भारत गुवाहाटीमा हिजो भएको खेलमा भारतसँग २ ० गोलले पराजित भएको नेपाली राष्ट्रिय टीम कोलकाता हुँदै नेपाल फर्कंदैछ । टोलि भोलि काँठमाडौं आइपुग्नेछ ।